A Song of Praise (ASOP) Finals Night, idinaos matapos ang Pagpapasalamat ng Katawan

Ang A Song of Praise (ASOP) Finals Night ay idinaos matapos ang tatlong araw ng Pagpapasalamat ng Katawan ng Members Church of God International (MCGI) sa ADD Convention Center, Apalit, Pampanga nitong ika-24 ng Disyembre, araw ng Martes.

Nagwagi bilang Song of the Year 2013 ang song entry mula sa dibisyon ng EIA - Germany, ang "Salamat Amang Banal."

Ang naturang kompetisyon ay binubuo ng labing-isang praise song entries mula sa iba't ibang panig ng bansa at mundo.

Photo: Girlie Ann Arce facebook account

Inaabangan ang mga payo at karunungang maririnig mula kina Bro. Eli Soriano at Bro. Daniel Razon upang lalong mapaganda pa ang komposisyon ng awit.

Para sa mga karagdagang impormasyon tungkol sa mga nangyari sa event ay maaaring puntahan ang official Twitter account ng MCGI, ang @mcgidotorg.

Ang A Song of Praise (ASOP) ay isang bi-annual event ng MCGI. Sa kasalukuyan ay mapapanood ang ASOP TV sa UNTV 37 na ginawa para sa lahat ng composers na nais gumawa ng awit papuri anoman ang kinabibilangan nilang grupo ng pananampalataya.

Tarlac City Jail, lumahok sa nakaraang Ang Dating Daan Bible Exposition

Lumahok sa nakaraang Ang Dating Daan Bible Exposition ang mga taga-Tarlac City Jail noong ika-29 ng Nobyembre, Biyernes.

"Kami po ay nagpupunta sa mga bilangguan kasi naniniwala kaming hindi lahat ng nabibilanggo ay masamang tao," ayon kay Bro. Eliseo Soriano, ang host ng longest running religious program na Ang Dating Daan.

Dagdag pa ni Bro. Eliseo Soriano, "Hindi ibig sabihin na ang mga nabibilanggo ay wala ng pag-asa sa buhay."

Mula sa https://twitter.com/AngDatingDaanTV

Dalawang kababayan natin sa piitan ang nabigyan ng pagkakataon makapagtanong kay Bro. Eliseo Soriano. 

Pagkatapos ng dalawang nagtanong, nag-aanyaya ang kapatid na Eliseo Soriano sa mga taga-Tarlac City Jail na dumalo sa gaganaping Mass Indoctrination.

"Nag-aanyaya ako sa inyo diyan sa Tarlac Provincial Jail na mag-aral tayo ng aral ni Kristo."

Ang Ang Dating Daan Bible Exposition, sa pangunguna nila Bro. Eliseo Soriano at Bro. Daniel Razon, ay ginaganap sa bansa isang beses kada buwan. May ginaganap ding English, Spanish at Portuguese Bible Expositions para naman sa mga ibang lahi sa buong mundo.

Para sa iba pang updates tungkol sa naganap na Ang Dating Daan Bible Exposition, i-follow lamang sa Twitter ang @AngDatingDaanTV at @TheOldPathTV.

Kuya Daniel Razon, nagdiriwang ng ika-30 taong kaarawan

Nagdiriwang ng ika-30 taong kaarawan ang kilala bilang Mr. Public Service na si Kuya Daniel Razon ngayong Nobyembre 28, Huwebes.

Kaugnay nito, sa halip na siya ang tumanggap ng regalo, nakatakdang magkaloob ng regalo ang Kuya Daniel Razon ng limang libong piso sa dalawampung pamilya para magamit nila sa kanilang pangkabuhayan. Taon-taon itong ginagawa ng Kuya Daniel Razon na ang layon ay makatulong sa mas marami nating kababayang nangangailangan.

Si Kuya Daniel Razon ang CEO ng UNTV at kilala sa mga public service na pinasimulan tulad ng Tulong Muna, Bago Balita, Clinic ni Kuya, Law Center ni Kuya, at marami pang iba. 

Sabi nga ng Kuya, "Ang paggawa ng mabuti ay hindi magbubunga ng masama. Maaari natin itong simulan kahit isang araw lang."

Mula sa facebook.com/KuyaDanielRazon

Dumagsa ang pagbati sa Facebook at Twitter ng mga Kasangbahay para sa kanyang kaarawan. Gamit lamang ang hashtag na #KuyaDANIELat30, maaari nang maiparating ang pagbati kay Kuya Daniel Razon.

Maligayang kaarawan po, Kuya Daniel Razon! Maligayang ika-tatlumpung taon ng paglilingkod sa Dios! Nawa'y samahan at patnubayan kayong palagi ng Panginoon.

Bread Society, nakiisa sa paggunita ng ikaapat na taong anibersaryo ng Maguindanao Massacre

Nakiisa ang mga miyembro ng Bible Readers Society International o Bread Society sa paggunita ng ikaapat na taong anibersaryo ng Maguindanao Massacre sa event na Pangalay: Isang Gabi ng Pagtatanghal at Pag-alala na ginanap sa Kolehiyo ng Pangmadlang Komunikasyon  (College of Mass Communication) sa Unibersidad ng Pilipinas Diliman nitong nakaraang ika-15 ng Nobyembre, 2013.

Binuksan ng grupong Bible Readers Society Choir o Bread Choir ang programa sa pag-awit ng "In Jesus Name" bilang invocation at kasunod nito ang pambansang awit. 

Nagtanghal din ang mga iba't ibang grupo sa pamantasan ng performances tulad ng pagsayaw, pagtula, pag-awit, at pag-arte. Kasunod nito ay ang pagbibigay ng mensahe ng mga iba't ibang organisasyon at konseho sa unibersidad.

Ang Bread Choir habang nag-eensayo sa gagawing pagtatanghal. (Photo courtesy: Marlon Camacho)

Naghandog ang Bread Choir ng kilalang awit na "Balita" ng grupong Asin. Sa pagtatapos ng programa, kasabay ng pagsindi ng mga kandila, ay inawit nila ang "Lak'san Natin ang Ating Loob" at "Ikaw ang Patnubay," mga awiting orihinal sa Members Church of God International o mas kilala bilang Ang Dating Daan.

Matatandaang limampu't walo ang walang awang pinaslang noong ika-23 Nobyembre, taong 2010 sa kilalang Maguindanao Massacre. Tatlumpu't apat rito mga mamamahayag at apat sa kanila ay mula sa istasyong UNTV.

Makabuluhan ang gabing ito sa grupo dahil isa sa mga napaslang sa malagim na insidente ay miyembro ng Bread Society. 

Ang Bread Society ay isang non-sectarian organization na binuo nila Bro. Eliseo Soriano at Bro. Daniel Razon na may layuning himukin ang mga kabataan sa paaralan na magbasa ng Biblia.

Yolanda Survivors na miyembro ng Ang Dating Daan, naghandog ng Pasalamat sa Dios

Naghandog ng pasalamat sa Dios ang Yolanda Survivors na mga miyembro sa Church of God International o mas kilala bilang Ang Dating Daan matapos makaranas ng pagliligtas ng Dios sa nakaraang pananalasa ng bagyong Yolanda (Haiyan) sa bansa.

Mula sa Visayas, partikular na sa Tacloban City, nagpunta ang ilang mga kapatid na Yolanda Survivors sa Apalit, Pampanga upang personal na ipahayag ang pagliligtas ng Dios sa kanilang pamilya. Ang iba naman ay naka-hook up sa monitoring centers sa Visayas Region. Sila ay naghandog ng awit papuri sa Dios.

 Nagpapahayag ng pagliligtas ng Dios ang mga kapatid sa Tacloban, Leyte noong ika-16 ng Nobyemre sa ADD Convention Center sa Apalit, Pampanga. (Photo courtesy: Rovic Balunsay of Photoville International)

Ayon kay Bro. Daniel Razon, Pangalawang Tagapangasiwang Pangkalahatan ng Members Church of God International (MCGI), maraming kani-kaniyang kuwento ng pagliligtas ang Yolanda Survivors at maganda itong gawan ng dokumentaryo upang ipaalam sa lahat ang pag-iingat ng Dios sa Kaniyang mga lingkod.

Kaugnay naman sa pangyayaring ito ay binalangkas ng Bro. Eliseo Soriano, Tagapangasiwang Pangkalahatan ng MCGI, ang paksang may kinalaman sa paggawa ng Dios sa Kaniyang bayan.

Damang-dama ang kaligayahan ng buong kapatiran nang malaman ang ilan sa mga kahanga-hangang kuwento ng Yolanda Survivors kung paano sila niligtas ng Dios.

Naging evacuation center ang Coordinating Centers ng Ang Dating Daan sa Kabisayaan sa kasagsagan ng bagyo. Pinatuloy dito ang mga kaanib, maging hindi mga kaanib. Nagbigay sa kanila ng relief goods ang kapatid na Eli Soriano at kapatid na Daniel Razon.

Sa kabila ng pagsubok at hirap na dinaranas, lubos pa ring nagpapasalamat sa Dios ang mga kapatid na Yolanda Survivors dahil ito ang natutunan nilang aral sa pagsasama-samang kanilang kinabibilangan.